شوية نصائح لحياتك :
 |
| شوية نصائح لحياتك - المفيد |
1- فى بداية حياتك اصبرى وافهمى اللى قدامك ، قبل ما تكشفى كل أوراقك ، وبعدين اتعملى على هذا الاساس .
2- حددى هدفك واتفهمى مع زوجك عليه .
3- خلى بينك وبين زوجك أسرار خاصة لا يعرفها أحد و لا حتى أولادك .
4- بلاش تعملى حماتك ند ليكى ، لأنها أم زوجك ، يعنى ليها حقوق كتير عليه ، وانتى اللى حتخسرى فى المقارنة ، عمليها بما يرضى الله فقط .
5- لا تسمحى لأحد أن يتدخل بينك وبين زوجك أبدا أبدا ، غير فى شكل رسمى لو الموضوع كبير ، وياريت يكون حد ثقه ليكى ولزوجك ترضون بحكمه .
6- بلاش تسيبى البيت مهما حصل ، خليكى قوية وحلى المشكلة بذكاء .
7- ممكن تعملى ليكى مصروف خاص حتى ولو بسيط .
8- بلاش تحكى لأصدقاءك عن بيتك وزوجك ونفس الشىء لا تحكى أبدا عن اصدقاءك لزوجك .
9- اعملى أرضية لأولادك علشان يعيشوا عليها ، يعنى مش الجد يزعق والجدة تضرب ، و العمة تطرد لأ ، عملى أولادك برقه وحنان علشان تجبرى الكل على معاملتهم هكذا ، وأى تجاوز تصدى له بكل أدب وذوق .
10- أهتمى بنظافة بيتك دائما .
11- اوعى تتكلمى عن أهلك بطريقة مش تمام لازم تدى احترامك ليهم علشان زوجك يحترمك .
12- اعطى كل زى حق حقه ، لا تهملى زوجك ابدا ولا أولادك ولا نفسك علشان خاطر أى حد مهما كان .
13- لا تتنازلى عن حقك ولا تبالغى فى العطاء ، خير الأمور أوسطها .
14- عاملى سلفتك على أنها أختك ، أما أخو زوجك مش أخوكى و الرسول صلى الله عليه وسلم قال " الحمو الموت " .
15- عاملى أهل زوجك بما يرضى الله فقط ، ولا تنتظرى ابدا رد المعاملة .
16- خلى ليكى حدود ، ولو عايزة احترام الكل لازم تكونى بتحترمى نفسك اولا ، يعنى لا تسمحى لنفسك بكل الحوارات وقللى كلامك .
 |
| شوية نصائح لحياتك - المفيد |
أرجو الأستفادة من المقال .
والسلام عليكم ورحمه الله وبركاته .
إتصل بنا
.إفتح المحتوي بمشاركة المقال
![]()
,
ليست هناك تعليقات:
إرسال تعليق